لونها بلون الجمره
رسمت على أرضنا
تاريخ لولادنا بكره
دم الشهيد عياش
و دم محمد دره
كانوا كبش الفدا
لقدسنا الحره
بتقول مين محمد
إسألنى مين هوه
دى حكايته إلى دمت
قلبى من جوه
طفل ضعيف نحيف
لا حول ولا قوه
لمحوه فحضن أبوه
بيحضنه بقوه
هل يرحموا سنه
أو يشعروا بأمه
ودوت فى الفضا
من محمد صرخه
فلحظه وثوانى
قتلوا فعينه الفرحه
كان حلمه إيه محمد
يحلم بإيه بكره
كان حاسس باللى جرى
أو عنده بيه فكره
بدء محمد يشعر
بالموت و بالسكره
و سالت على أرضنا
من البطل نقطه
الأب كان مذهول
و الدما ساقطه
أحمر يا دم البطل
نقطه ورا نقطه
يصرخ يقول آه
لاء دا قال الله
لحظات وراح يلقاه
ويرفعوا لسماه
و خرجت روح الشهيد
طوالى عالجنه
و الأرض متخضبه
بدمه كالحنه
